Qitə və dünya səviyyəsində sanitar idarəetmədə aparıcı mövqe tutan bu iki təşkilat adından onların Kubadakı nümayəndəsi perulu epidemioloq Xose Moya COVİD-19-a qarşı mübarizədə milli dayanıqlıqda Kuba Elmi və Texnologiyasının, habelə universitetlərinin layiqli və həlledici rolunu etiraf etdi.
Ümumamerika və Ümumdünya Səhiyyə təşkilatları Böyük Antil adalarının Hökuməti tərəfindən tətbiq edilən sektorlararası milli plan vasitəsilə COVİD-19-a qarşı hərtərəfli mübarizədə Adanın səhiyyə sisteminin gücünü və effektivliyini yüksək qiymətləndirirlər.
Prensa Latina-ya verdiyi açıqlamada, Moya mart ayında ölkədə ilk yoluxma halları üzə çıxan kimi, koronavirusa sars-cov-2 yoluxmaların dərhal aşkarlanmasında ilkin tibbi yardım şəbəkəsinin əhəmiyyətini qeyd edərək vurğuladı ki, məhz bu səfərbərlik epidemiyanın nəzarətə alınmasında uğurun bünövrəsi sayıla bilər.
Həmçinin qeyd etdi ki, yoluxmuş şəxslərə və onlarla bilavasitə təmasda olan insanlara real zaman kəsimində PCR molekulyar testlərin tətbiqi, habelə sosial özünütəcrid şəraitində görülən profilaktik və nəzarət tədbirləri sayəsində epidemiyanın yayılmasının qarşısı alınmış, epidemioloji müşahidə və yoluxmuş şəxslərin müalicəsini həyata keçirməyə imkan vermişdir.
Xüsusi olaraq vurğuladı ki, həkim Fransisko Duranın gündəlik olaraq hər səhər televiziya ekranından insanlara verdiyi məsləhətlər, Səhiyyə Naziri Xose Anxel Portal Mirandanın vaxtaşırı çıxışları və Kuba Prezidenti Migel Diaz-Kanel Bermudes tərəfindən mövzuya daim fikir bildirilməsi xalqın mövzuyla bağlı məlumatını yeniləməklə bərabər, pandemiyaya olan yanaşma və onu nəzarətdə saxlamaqda kütləvi informasiya vasitələrinin böyük rolunu göstərir.
Qitə və dünya səviyyəsində sanitar idarəetmədə aparıcı mövqe tutan bu iki təşkilat adından onların nümayəndəsi COVİD-19-a qarşı mübarizədə milli dayanıqlıqda Kuba Elmi və Texnologiyasının, habelə universitetlərinin layiqli və həlledici rolunu etiraf etdi.